Müqəddəs missiya

Birinci və ikinci cildlərdən məlumdur ki, Mərkəzi Çili sahillərinə yollanan ekspedisiya iştirakçıları aborigenlərlə gedən müharibədə məğlubiyyətə uğrayırlar. Ekspedisiyanın bəzi üzvləri döyüşlərdə həlak olur, bir çoxları isə araukan hindularına əsir düşürlər. Müharibənin ikinci mərhələsinə başlamamışdan əvvəl növbəti ekspedisiyanın rəhbərliyi qərara alır ki, ilk növbədə əsir düşmüş silahdaşlarını əsirlikdən azad etməlidirlər. Bu müqəddəs missiyanı yerinə yetirməkdən ötrü 16 nəfərdən ibarət olan kəşfiyyat dəstəsi təşkil olunur və həmin dəstə fərdi üsulda düşmənə qarşı sarsıdıcı zərbələr endirərək, həmin missiyanın öhdəsindən müvəffəqiyyətlə gələ bilir. Bununla da Araukaniyada gedən müharibənin ikinci mərhələsi başlanır. İspan tarixinin müəyyən bir hissəsini əhatə edən “Konkista”, o cümlədən, indiki Çilinin tarixinin böyük hissəsini təşkil edən Araukan müharibəsinin bir çox detalları, həmin dövrdəki siyasi və tarixi ab-hava, Qərbi Avropanın hege-mon dövlətlərinin tarixi vəziyyəti, XVI əsrin sonuna qədər ispanların təşkil etdikləri ən yaddaqalan mühüm coğrafi kəşflərdən İspaniya ilə Çili ilə yanaşı Peru və Ekvadorun maraqlı olan tarixilə məhz bu trilogiyanın vasitəsilə öyrənmək olur.