XORAZM ARXEOLOGIK YODGORLIKLAR TARIXI

O‘zbekistonda bugungi kunda o‘zbek xalqining qadimiy tarixi va boy madaniy merosini tiklash hamda uni dunyo jamoatchiligiga yetkazish borasida ko‘plab amaliy ishlar bajarilmoqda. Bu o‘rinda O‘zbekistonning boshqa tarixiy-etnografik mintaqalari qatorida Xorazm vohasining ham o‘ziga xos o‘rni bo‘lib, unda ming yillar mobaynida g‘oyat xilma-xil madaniyatlar va an’analar tutashgan. Qolaversa, mintaqa o‘zbek xalqining qadimiy tarixi, betakror madaniyati va bebaho tarixiy yodgorliklari bilan mashhur bo‘lgan “etnografik qo‘riqxona” hamdir. Shu boisdan ham hozirda Xorazm vohasi tarixiy arxeologik yodgorliklarini an’anaviy xalq madaniyatining fenomeni tarzida tadqiq qilish dolzarb ahamiyat kasb etmoqda.