ФАХРИДДИН РОЗИЙ

Мазкур рисолада машҳур қомусий олим, файласуф, табиб, уламо ва шоир Фахриддин Розийнинг ҳаёти ва илмий фаолияти, хусусан унинг ислом дини ва фалсафасида тутган ўрни акс этган.Ислом оламида Фахриддин Розий номи билан машҳур бўлган Абу Абдуллоҳ Муҳаммад ибн Умар ибн Ҳусайн - Шимолий Эроннинг Рай шаҳрида ҳижрий 544 (мил. 1149) сана рамазон ойининг 25-куни (26 январ) дунёга келган. Розий ўз даврида ҳам диний, ҳам дунёвий илмлар соҳасида бирдек шуҳрат топди. У шарқда биринчилардан бўлиб илмий методологияга асос солди, Берунийдан кейинги давр Ўрта аср шарқ фалсафасини ўз фикрлари билан бойитди. Фахриддин Розий диний фан соҳаларида ҳам салмоқли меҳнат қилди, бир қанча китоблар ёзди. Айниқса, унииг Қуръони каримга ёзган “Мафотиҳ ал-ғайб” номли тафсири аҳамиятга моликдир. Рисолани яратишда муаллиф, қадимий ва мўътабар манбалардан фойдаланган. Аллома ҳаёти ва илмий фаолияти тадқиқ қилинган ушбу рисола ислом тарихи ва фалсафасига қизиқувчиларга, шунингдек кенг ўқувчилар оммасига мўлжалланган.