Vandalların məhv edilməsi I cild

I cild olan ““Dəmir yumruq” un ölümcül zərbəsi” əsərində Azərbaycan əsgərinin İkinci Qarabağ müharibəsində göstərdiyi şücaətdən, qəhrəmanlıqdan, rəşadətindən bəhs edir. Baş verən hərbi əməliyyatlar Ordunun qüdrətini üzə çıxartdı, erməni terrorçularının təbiətən qorxaq olduğunu sübuta yetirdi. 30 il ərzində ən müasir mühəndis-texniki standartlarına uyğun yaradılan müdafiə-itehkam səddlərini yarmaq ölümə bərabər bir qərar sayılsa da, Prezident İlham Əliyev erməni faşizminə Qarabağda son qoymaq üçün Orduya əks-hücum əmrini verir. Qarabağın işğalçılardan azad edilməsi üçün sentyabrın 27-də Vətən müharibəsi başlayır. Əli silah tuta bilən hər bir şəxs müharibəyə getməyə can atır. Hərbi Komissarlıqların qarşısında növbə yaradan Vətən fədailəri Qarabağı erməni daşnaklarından təmizləmək üçün aslan kimi döyüşlərə qatılır. Əsərdə tankçılar, topçular, kəşfiyyatçılar, snayperlər, feldşer, hətta təxliyyəyə cəlb olunmuş döyüşçülərin, o cümlədən başda generallar olmaqla zabit heyətinin fədakarlığı aydın şəkildə təsvir edilibdir. Peşəsindən və tutduğu vəzifəsindən asılı olmayaraq, hər bir oxucu üçün nəzərdə tutulan bu kitab, vətənpərvərlik ruhunu aşılayır və tərbiyəvi-əhəmiyyət kəsb edir.