Halima Xudoyberdiyeva she’riyati lingvopoetikasi

Jahon tajribasi ko‘rsatmoqdaki, istalgan tilning ijtimoiy xarakterini o‘rganishni induvidual shaxs nutqi tadqiqidan boshlash to‘g‘ri yo‘ldir. Rus olimi V.P.Grigorev “Поэтика слова” (M.: Наука, 1979) kitobi “Лингвопоэтика и стилистика” qismida “lingvopoetikani tilshunoslik fanlari qatoriga qo‘yish ham, adabiyotshunoslik fanlari sirasiga kiritish ham to‘g‘ri emas; lingvopoetika tilshunoslik, adabiyotshunoslik va shevashunoslik fanlarida erishilgan yutuqlarni matn tahliliga tatbiq etib, filologiyaning yaxlitligini ta’minlashni o‘z zimmasiga olgan filologik fandir”, degan edi. Mazkur ish o‘zbek she’riyatining taniqli vakilasi shoira Halima Xudoyberdiyeva she’riyati va uning o‘ziga xos xususiyatlarini lingvopoetik tadqiq etishga qaratilgan.