O‘ZBEK TILINI O‘QITISH METODIKASI

Insoniyat tarixida ta’lim olishga ehtiyoj tug‘ilgan kundan boshlab kun tartibiga chiqqan “O‘quvchiga nimani o‘rgatish zarur?”, “O‘quvchini qancha o‘qitish kerak?”, “Nima uchun o‘qitish shart?”, “Qanday usullar bilan o‘qitish lozim?” kabi qadimiy savollar hamisha dolzarb va yechimtalabdir. Bugun ona tili ta’limi oldida ham shu savollar ko‘ndalang turibdiki, biz mazkur darsligimizda shu savollarga maktabda ona tili ta’limi maqsadidan kelib chiqib javob topishga harakat qilganmiz.