Boshlang‘ich sinf ona tili ta’limida kreativ tafakkurni rivojlantirish

Monografiyada boshlang‘ich sinf o‘quvchilarining kreativ tafakkurini tashkil etish, kichik maktab yoshidan o‘quvchilar shaxsini rivojlantirish, ularning qobiliyati, axloqiy va estetik hissiyotlarini tarbiyalash, o‘qishga qiziqishi, hohish va istagini, o‘zi va o‘z atrofini o‘rab olgan olamga hissiy munosabatni shakllantirishga qaratilgan o‘quv tuzilmalarini ishlab chiqish, o‘quvchining intellektual qobiliyatini ro‘yobga chiqarishga ko‘maklashuvchi pedagogik texnologiyalarga qaratilgan ilmiy tadqiqotlar amalga oshirilmoqda. Hozirgi davr pedagogikasining kreativ tafakkurga yo‘naltirilgan konseptual ilmiy izlanishlar predmetini kichik maktab yoshidagi bolalarda ijodiylikning yorqinlashuvi, ixtirochilikka qiziqishi, ertak, hikoya, qo‘shiq, musiqaning obrazli mazmunini tezda idrok etishi, ijodiy imkoniyatlarini nazarda tutib belgilanmoqda. Boshlang’ich ta’limda o‘quvchilarning kreativ tafakkurini rivojlantirishda modellashtirish texnologiyasidan foydalanishning nazariy va amaliy jihatidan ham dolzarbligini belgilaydi.