ФРАНЦУЗ ВА ЎЗБЕК ЭВФЕМИК-ДИСФЕМИК БИРЛИКЛАРИ ҚИСҚАЧА ИЗОҲЛИ ЛУҒАТИ

Ушбу луғатда француз тилига хос, айтилиши ноқулай бўлган асосий тушунчаларнинг эвфемик, дисфемик маънолари изоҳланган. Шунингдек, луғатда француз ва ўзбек тилидаги эвфемизмларининг миллий-маданий жиҳатлари француз ва ўзбек аёллари нутқи мисолида кўрсатилган. Нутққа таъсирчанлик, ёқимлилик бағишловчи, ахборот (фикр, мулоҳаза)ни юмшоқ ва одобли қилиб ифодалашга хизмат қилувчи бирликлар эвфемизмлар саналади. “Яхши гапирмоқ”, “силлиқ сўзламоқ” маъноларини берувчи эвфемизм атамаси мулоқот жараёнида сўзловчининг нутқини қўпол, маданият доирасидан ташқаридаги сўзларни қўллашдан ёки тингловчининг “кўнглига тегиши мумкин” бўлган ноқулай сўзларни ишлатишдан сақлаш билан боғлиқ, аммо бу эвфемизмлар қўпол, ноқулай маънони берувчи сўз ифодалаган мантиқни бермайди дегани эмас. Зеро, эвфемизм ифодага ижобий ёндашув орқали юзага келади.Мазкур луғат олий ўқув юрти талабалари, магистрант, тадқиқотчи ҳамда соҳага қизиқувчилар оммасига мўлжалланган.