АТАМА ВА ИЗОҲ

Монография миллий тасвирий ва амалий санъат атамалари тадқиқига бағишланган бўлиб, унда мазкур атамаларнинг уч тилли изоҳли луғатини яратиш муаммоси кўтарилган. Ўзбекистон санъати ва маданиятининг тараққиёти натижасида нутқда ўз аксини топган тасвирий ва амалий санъатга оид атамаларнинг миллийлик нуқтаи назардан таҳлил этилиб, сўзларнинг русча ва инглизча муқобилининг айрим хусусиятлари ёритиб берилган. Шунингдек, ўзбек муҳитида кенг тарқалган Европа нутқининг лисоний бирликлари юзасидан қилинган ишлар таҳлили келтирилган. Муаллиф атамаларни бир қолипга солиш, чуқур таҳлил қилган ҳолда сўзларни ўз ўрнида ишлатиш тартибини белгилаш, нутқий маданият ва нутқий салоҳият мезонларини ишлаб чиқишга доир таклиф ва мулоҳазалар билдирган.