Tabiiy birikmalar molekulalarini organizmdagi ahamiyati

Tabiat bilan insoniyat o'rtasidagi bog'liqlik asrlar davomida o'rganib kelinmoqda. Inson organizmi murakkab va hayratlanarli darajada uyg'unlashgan kimyoviy reaksiyalar tizimi boʻlib, barcha hayotiy jarayonlar ushbu kimyoviy jarayonlarga asoslanadi. Har bir hujayra, toʻqima va aʼzo o‘z vazifalarini bajarishda tabiiy birikmalarga tayanadi. Bu birikmalar organizmimizga energiya beradi, hujayralarning rivojlanishi va tiklanishini taʼminlaydi hamda hayot uchun zarur boʻlgan boshqa koʻplab funksiyalarni amalga oshiradi. Tabiiy birikmalar, xususan, oʻsimliklardan olinadigan moddalar, inson salomatligi uchun juda muhimdir. O'simliklar, ularning barglari, ildizlari va mevalari qadim zamonlardan buyon nafaqat oziq-ovqat manbai, balki shifobaxsh vositalar sifatida ham keng qoʻllanib kelinmoqda. Ular organizmda antioksidant, yalligʻlanishga qarshi, antimikrobial va ko'plab boshqa foydali ta'sirlarga ega. Bu tabiiy birikmalar inson organizmiga kirgach, o'ziga xos biokimyoviy jarayonlarni boshlaydi, bu jarayonlar esa sog'lig'imizni mustahkamlashga xizmat qiladi.