SHE’RIY TURKUMLILIKNING POETIK XUSUSIYATLARI

Ushbu monografik tadqiqot o‘zbek she’riyatida she’riy turkumlilik va uning poetik xususiyatlari masalasi atroflicha tadqiq etilganligi bilan o‘ziga xoslik kasb etadi. Oybek, Mirtemir, Shuhrat, Erkin Vohidov, Abdulla Oripov, Rauf Parfi, Usmon Azim, Azim Suyun, Eshqobil Shukur, Mirpo‘lat Mirzo, Faxriyor, Oydinniso kabi ko‘plab shoirlarning sikl she’rlaridagi poetik xususiyatlar ilmiy-nazariy jihatdan tadqiq etilganligi, mazkur she’riy shaklning o‘zbek lirikasi taraqqiyotida tutgan o‘ziga xos o‘rnini munosib ko‘rsatib berilganligi ham ishning qiymatini belgilaydi.Monografiya lirik tur tadqiqotchilari, o‘zbek she’riyati tarixi, xususan, yuqorida nomlari zikr etilgan shoirlar ijodiyoti muxlislari hamda she’riyat ixlosmandlarida qiziqish uyg‘otishiga shubha qilmaymiz.Lirik sikl, sonet sikllari, turkum tarkibi, syujet unsurlari, kompozitsion tuzilma, she’riy turkum, yaxlit badiiy tizim, janr holati, tarkibiy qismlari, muallifning badiiy niyati, assotsiativ bog‘liqlik, she’rlar tartibi, yagona motiv, sonet-gulchambarlar, sonet-dostonlar, lirik qahramon, mazmun va shakl dialektikasi va boshqalar.