“Катта ўйин” сиёсатининг хорижий тадқиқотларда ёритилиши (XIX-XXI а.)

Жаҳон тарихида шундай муаммолар борки, йиллар давомида ўзининг долзарблиги ва аҳамиятини йўқотмайди. Шундай муаммолардан бири сифатида ХIХ аср ўрталаридан Осиёда бошланган инглиз-рус рақобатчилигини яъни “Катта ўйин” сиёсатини айтиб ўтишимиз лозим. Ушбу масала барча йирик дунё тарихчилари, сиёсатчилари ва экспертларининг монографияларида, халқаро алоқалар ва дипломатияга бағишланган кўпгина дарсликлар, журналлар ва газеталарнинг мақолаларида ўз аксини топган. Дастлаб иккита империалистик давлатлар Англия ва Россия ўртасида бошланган кураш жараёни йиллар давомида ўз атрофида жуда кўплаб давлатларни тўплади. Ушбу кураш майдони Евроосиё минтақасининг жуда катта ҳудудларини қамраб олиб, жуда мураккаб бўлган сиёсий, иқтисодий, ижтимоий муаммоларни келтириб чиқарди. Мазкур монографияда “Катта ўйин” сиёсатининг шаклланиши, мавзунинг тарихшунослиги, мавзу бўйича қилинган тадқиқотлар акс этган.