O‘ZBEKCHA SO‘ZLASHAMIZ

Ushbu uslubiy qo‘llanma o‘zbek tilini o‘rganish istagida bo‘lgan xorijlik o‘quvchilarga mo‘ljallangan. Unda tinglash, grammatika, lug‘at va o‘qish mahoratini oshirish uchun mashqlar hamda matnlar berilgan. Ushbu kitob orqali o‘zbek xalqi madaniyati, tarixiy shaharlari va urf-odatlari to‘g‘risidagi qiziqarli ma'lumotlarga ega bo‘la olasiz. O‘rganuvchi lug‘atni yaxshi yodda saqlashi uchun rasmlardan foydalanildi. Bu o‘quvchiga so‘zni yodda saqlashga va tasavvur qila olashiga yordam beradi. O‘quvchining nutq ko‘nikmalari rivojlanishi uchun dialoglar, qisqa suhbatlar shakllarida berildi. Har bir bo‘limda berilgan til qoidalarini turli xil diagrammalardan foydalanilgan holda o‘rganuvchi eslab qolishi uchun turfa ranglar orqali belgilab ko‘rsatildi. Har bir bo‘limning oxiri mashqlarga bag‘ishlangan bo‘lib, o‘quvchilar o‘rgangan bilimlarini mustahkamlay oladilar.