Fransuz va o'zbek folklori janrlari tipologiyasi hamda poetikasi

Dunyo xalqlarining ko’p asrlar davomida qaror topgan umummilliy qadriyatlarini tiklashda folklor eng asosiy vositalardan biri hisoblanadi. Har bir xalqning o’ziga xos an’analari, mental xususiyatlari, til qonuniyatlari, e’tiqodiy dunyoqarashi va ruhiyati, poetik tafakkur tadriji bilan chambarchas bog’langan folklor namunalarini o’rganishning o’z prinsip va metodlari, ilmiy-nazariy asoslari borki, ularni dalillash dolzarb va zarur vazifalardan sanaladi. Bu esa xalq og’zaki ijodi asarlarining poetikasi muammolarini, ularning turli tizimli tillar doirasidagi tipologik xususiyatlarini ilmiy-nazariy jihatdan aniqlash va yechishda muhim ahamiyat kasb etadi.