XXI аср мода саноатининг концептуал асослари.

Монографияда Ўзбекистоннинг замонавий мода саноати доирасидаги таълим жараёнларида модага хос костюм тизимини яратиш механизмларининг долзарб муаммоларини аниқлаш, уларга мос ижобий ечим топишнинг назарий методологиясини шакллантириш принциплари баён этилган. Шунингдек, либос дизайни соҳасида костюм коллекцияларини лойиҳалаш методларига асос сифатида хизмат қилувчи концептуал принциплар мажмуи дунёнинг етакчи мода уйлари мутахассислари ва таниқли дизайнерлар томонидан яратилган костюм коллекциялари мисолида ёритиб берилган. Бу жараёнда чиқарилган хулосалар асосида замонавий мода саноатида актуал бўлган "концептуал лойиҳалаш принциплари" бўйича илмий асосланган концепция таклиф этилган. Монография доирасида Ўзбекистон мода саноати ривожининг асосий тенденциялари: мустақиллик йилларида қайта шакллантирилган механизмлари тавсифи ва мавжуд имкониятлари баён этилган ҳамда мазкур йўналишда ечимини кутаётган долзарб муаммоларга доир ечимларни босқичма босқич ҳал этиш йўллари кўрсатиб ўтилган. Амалий тавсиялар замонавий костюм коллекцияларини лойиҳалаш тизимининг "Миллий концепцияси" доирасида амалга тадбиқ этиш масаласи илгари сурилган.