Hüseyn Cavid: mühiti və müasirləri

Monoqrafiyada Azərbaycanın mütəfəkkir sənəkarı Hüseyn Cavidin ədəbi məfkurəsi və sənəti dövrünün ədəbi, mədəni, ictimai mühiti kontekstində araşdırılıb. Şairin Naxçıvan ədəbi-mədəni – ictimai mühiti və naxçıvanlı maarifçi müasirləri ilə əlaqəsi, ailə və təhsil mühiti: Naxçıvan, Cənubi Azərbaycan, Türkiyə, həmçinin həyatı və fəaliyyətində Gəncə, Tiflis mühiti və ədəbi yaradıcılığının Bakı dövrü, Almaniya səfəri və təəssüratları, Azərbaycanda sovet dövrü ictimai-ədəbi mühiti, bolşevik rejminin böyük sənətkara ikili münasibəti diqqətə çəkilərək obyektiv və aydın təhlildən keçirilib. Ədibin əsərləri ətrafında qurulan ədəbi məhkəmələrin, dövrü mətbuatın, Hüseyn Cavidə münasibətlərinə aydınlıq gətirilib.