Məmməd Səid Ordubadi: Şərq və Qərb

Sivilizasiyaların dialoqu və tolerantlıq düşüncə tərzi, Şərq və Qərb təfəkkürünün humanist baxış bucağından sərgiləndiyi məkan kimi, Azərbaycan Şərq və Qərb mədəniyyətinin dialoqunu öz gündəlik həyatında yaşayıb, yaşayır və yaşayacaqdır. Ümummilli lider Heydər Əliyevin dediyi kimi, “Yönümüz Şərqə olsa da, yolumuz Qərbədir”. Şərq və Qərb sintezini ekzotik ədəbi zəka və böyük sənətkarlıqla paralel şəkildə inkişaf etdirən Məmməd Səid Ordubadi, nəinki qoca Şərqi, həm də Avropanı cəmiyyətimizə tanıdan ədəbiyyat nəhənglərindəndir. Məmməd Səid Ordubadinin irsinin öyrənilməsi təkcə tarixilik nöqteyi-nəzərdən deyil, həm də bu gün üçün faydalıdır.