Ölüm qatarının sərnişini

Romandakı əsas hadisələr 2004-cü il dekabrın 26-da Şri-Lankada və sonrakı mərhələdə İsveçdə cərəyan edir. Həmin gün Hind okeanında ən dağıdıcı sunami və dünyada ən çox insan təlafatı ilə nəticələnən (1900 nəfərdən çox) qatar qəzası baş vermişdi. Əsərin qəhrəmanı isveçli oğlan Lüdviq və Şri-Lankalı qız Vasanadır. Sunami nəticəsində aşiqlərin valideyn-ləri faciəvi şəkildə həlak olur, özləri isə müəyyən müddət bir-birilərindən aralı düşürlər. Zamanın böyük faciəsinin əks olunduğu əsərdə dağıdıcı fəlakət, ölüm-dirim mübarizəsi, ağır məqamda iradəni nümayiş etdirmək, qəhrəmanlıq, şücaət, dözümlülük, iztirab, kədər, qəm-qüssə, inam, sədaqət, ümidi itirməmək oxucunu gərginlik içərisində saxlayır. Sonda isə bəzi qəhrəmanların həmin cəhənnəm odundan sağ çıxması, oxucuda rahatlıq yaradır. Əsərdə dünyanın ən böyük təbii fəlakəti əks olunubdur.Bu faciə bütün Hind okeanı akvatoriyasında yaşayan əhalini bərk sarsıtmış və onlar anlamaq istəyirdilər ki, nəyə görə bu dəfəki sunami daha güclü, şiddətli və aman-sız olubdur. Geoloq və okeanşünaslar bunun səbəbini taparaq televiziya kanalları vasitəsi ilə camaata maraqlı məlumatlar verirdilər.