Hollywood hakim rolunda

Əsərdəki hadisələr XXI əsrin əvvəllərində Kanadanın Niaqara-Folls şəhərində və bəzi məqamlar isə ABŞ-ın eyni adlı şəhərində baş verir. Əsərin baş qəhrəmanları Niaqara şəlaləsi yaxınlığında istirahət mərkəzinin sahibkarı, asudə vaxtlarında hekayələr yazan Oskar Qrant və həmin şəhərə Fransadan gəlmiş, özlərini bacı-qardaş kimi qələmə verən, fırıldaqçı məşuqlar Dino ilə Yelenadır.Gözəlliyi ilə hamını heyran edən Yelena istirahət mərkəzini ələ keçirmək üçün Oskarı arvadından boşatdıraraq, ona ərə gedir. Qısa müddət ərzində Oskarın birinci arvadı, sonra isə qızının sevgilisi multimillioner Fransuanın oğlu Mişel Niaqara şəlaləsi yaxınlığında öldürülürlər. Tədqiqat elə aparılır ki, Mişelin ölümündə Oskar günahkar çıxır və onu 17 il müddətinə həbs edirlər. Müstəqil araşdırma aparan inspektor sübut edir ki, Mişel başqa adamlar tərəfindən qətlə yetirilibdir. Lakin zabit də ğldürülür. Həqiqəti hakim dairələrə çatdırmaq üçün Oskar həbsxanada Niaqara şəlaləsi yaxınlığında baş verən qətllərlə bağlı roman yazır və ictimaiyyətin diqqətinə çatdırır. Sonra isə roman “Hollywood”-da ekranlaşdırılır. Filmin nümayişindən sonra Oskar azadlığa buraxılır, qatil isə Frasua tərəfindən qətlə yetirilir.