Пиллани қайта ишлаш корхоналарини бошқариш механизмини такомиллаштириш

Ушбу монография Ўзбекистон Республикаси пиллачилик тармоғида иқтисодий ислоҳотларни амалга ошириш шароитида пиллани қайта ишлаш корхоналарини бошқариш механизмини такомиллаштириш муаммоларини ўрганишга бағишланган. Пиллани қайта ишлаш корхоналари фаолиятини замонавий бошқарув усуллари асосида ташкил этиш, корхоналарда бошқарув фаолияти ва механизмининг ўзига хос жиҳатларини назарий жиҳатдан тадқиқ этиш, корхоналарнинг бошқарув фаолиятини ривожлантиришда хориж тажрибаларидан фойдаланиш масалалари ўрганишга қаратилган. Наманган вилояти пиллачилик тармоғида фаолият кўрсатаётган пиллани қайта ишлаш корхоналари бошқарув фаолияти ва самарадорлиги даражалари, уларнинг бошқарув тизими ҳамда маҳсулот ишлаб чиқариш бўйича мавжуд муаммолари таҳлил этилган. Муаллиф томонидан пиллани қайта ишлаш корхоналарида бошқариш механизмини такомиллаштириш, уни самарали бошқаришда кластер усулидан фойдаланиш имкониятлари ҳамда унинг фаолиятини ривожлантириш истиқболлари бўйича илмий –амалий таклифлар берилган.