PIANOJA NË VEPRAT SOLO, KAMERALE, ORKESTRALE DHE SI SHOQËRUESE

Për ju artdashës, profesionistë muzikor dhe ju që adhuroni muzikën!Në këtë punim - libër do t’ju paraqes material nga puna krijuese e një kompozitori kosovar, Zeqirja Ballata. Materiali përmban karakteristika të punës krijuese, duke u nisur nga stili unik i kompozitorit, përdorimi i pianos së temperuar dhe njëherësh risitë tjera interpretuese edhe në instrumentet tjera.Jam kyçur në detaje të ndërtimit të disa prej krijimeve të shumta dhe i kam paraqitur për ju, që sadopak të keni njohuri mbi punën e palodhshme, tejet të përmbushur në çdo aspekt struktural muzikor.Meqenëse punime të këtij lloji për kompozitorët tanë ka shumë pak, për të mos thënë nuk ka fare, jam shumë e privilegjuar që të shkruaj për kompozitorin Ballata dhe njëherësh edhe për bashkëpunimin që kemi pasur për veprat dhe materialet tjera.Shpresoj që sadopak do të keni mundësinë të merrni informata për punën krijuese të kompozitorit.Jemi me fat që e kemi në mesin tonë!