Müharibə və humanizm

Birinci Çeçen müharibəsi (1994-1996) on minlərlə ailənin taleyinə faciə gətirərək, bir çoxların nəsil şəcərəsinə son qoydu. İradəsinə arxalanaraq ümidini itirməyən Natalya üzləşdiyi problemin müsbət həll olunması üçün, odun-alovun içərisində olan Çeçenistana yollanmış və oğlunun axtarılıb tapılması üçün orada Aslan adlı çeçen bələdçisinin köməyindən istifadə edir. Oğlu ilə rastlaşan ana ölüm hökmünün ləvğ edilməsinə nail ola bilmir. Onda o, bu məsələ ilə bədbəxtliyə düçar olmuş adamların taleyinə biganə qalmayan Çeçenistanın müftisi Əhməd Kadırova mürəciət edir. Məhz Kadırov müqəddəs meyarlara arxalanaraq, ölümə məhkum edilmiş hərbi əsirin azad edilməsinə nail olur və onu anasına təhvil verir. Bununla da həmin ailənin nəslinin artırılaraq yaşaması üçün müftinin savab bir addım atması əsərin kulminasiya nöqtəsi sayılır. Ən əsas isə çeçen xarakterinin necə olduğu əksər fəsillərdə müfəssəl şəkildə göstərilibdir.