Oliy o`quv yurtida tarbiyaviy jarayon rahbarlari

Nigmatova Mavjuda Maxmudovna 1964-yil Buxoro shahrida tugʼilgan. Buxoro Davlat universitetining “Maktabgacha ta`lim” kafedrasi katta oʼqituvchisi lavozimida 35 yildan ortiq ishlab kelmoqda. M.M.Nigmatova koʼp yillik tajribaga ega ilgʼor pedagog sifatida zamonaviy ta`lim texnologiyalaridan foydalangan holda maktabgacha taʼlim yoʼnalishi talabalariga pedagogik mahorat, maktabgacha pedagogika, tasviriy faoliyatga oʼrgatish metodikasi fanlaridan saboq berib kelmoqda. Izlanuvchan pedagogning maktabgacha ta`lim yoʼnalishi talabalari va oʼqituvchilar uchun “Maktabgacha taʼlimda tasviriy faoliyat fanidan amaliy mashgʼulotlar uchun koʼrsatma”, “Sharq mumtoz adabiyotimizda ustoz-shogird munosabatlari” mavzusida monografiya, «OOʼYu guruh rahbarlari ishini tashkil etish” yuzasidan koʼrsatma, “Maktabgacha yoshdagi bolalarni tasviriy faoliyatga oʼrgatish metodikasi” nomli bir qator metodik qollanmalari ta`lim jarayoniga tadbiq etilgan.