Dastgohlar va dastgohli komplekslarni hisoblash va konstruksiyalash

Mashinasozlik, shuningdek, dastgohsozlik sanoatining rivojlanish darajasi har qaysi davlatning sanoat kuch-qudratini, iqtisodiy mustahkamligini, mudofaa qobiliyati va mustaqilligini bildiradi. Dastgohsozlikning mashinasozlikdagi eng muhim roli barcha mashinalar va xilma-xil buyumlar metall kesish dastgohlari yordamida barpo etilishi bilan belgilanadi.Metall kesish dastgohlari mashinasozlik ishlab chiqarish korxonalarning asosiy elementlarini tashkil etadi. Ular tezliklar, quvvatlar, kuchli yuklamalar, ko‘chib yurishlarning keng diapazonida ishlaydi, dastgohlarni ishlab chiqarish qorxonalari esa yuqori ishlab chiqarish madaniyati bilan ajralib turadi. Shuning uchun dastgohsozlik sanoati umuman aytganda turli xildagi yangi mashina va buyumlarni barpo etishda asos bo‘ladi.Dunyoda dastgohsozlik shiddat bilan rivojlanmoqda. Ishlab chiqarishning umumiy tendensiyasi ko‘p operatsiyalarni bajarish va ortiqroq murakkab shakldagi detallarga ishlov berish mumkin bo‘lgan murakkabroq dastgohlar va ularning tizimlarini barpo etishdan iborat. Aniqlik, unumdorlik, puxtalik, tejamlilik va iste’molchilarning boshqa talablarini qondirish yuzasidan yangi yyechimlarni doimiy izlash dastgohlar modellari.