Xizmatlar iqtisodiyoti va uning rivojlanish ko’rsatkichlari

Hozirgi zamon iqtisodiyotida xizmatlar sohasining rivojlanishi muhim ahamiyat kasb etadi. Xizmatlar sohasida ilmiy bilimlar, nomoddiy shakldagi to‘plamlar, axborot texnologiyalari va tadbirkorlik faoliyati integratsiyasi kabi iqtisodiy o‘sishning asosiy omillari shakllanmoqda.Iqtisodiyotning ushbu sektori turli xil faoliyat turlarini o‘z ichiga olib, ishlab chiqarish samaradorligini oshirishga yordam beradi. Ushbu faoliyatning yakuniy natijasi tayyor mahsulot emas, balki ko‘rsatilgan xizmatlardir. Xizmatlar nafaqat korxonalarga, balki jismoniy shaxslar - yakuniy iste’molchilarga ham ko‘rsatilishi mumkin. Xizmatlar sohasi ko‘lami juda xilma-xildir. Bunga mahsulotlarni ishlab chiqaruvchidan mijozga etkazib berish, shu qatorida ko‘ngilochar tadbirlarni tashkillashtirish, shuningdek, sartaroshxonalar, restoranlar, ta’mirlash ustaxonalari, sport klublari, sayyohlik agentliklari va boshqalar kiradi. Shuni ta’kidlash lozimki, so‘nggi yillarda xizmat ko‘rsatish sohasini rivojlantirish bo‘yicha izchil choralar ko‘rilmoqda.