BADIIYAT USTASI YOXUD IJODIY ANʼANALARNING ZAMONAVIY IFODASI

XX asrning eng koʻzga koʻringan, isteʼdodli shoirlaridan biri Erkin Vohidov oʻzining ijodiy merosi bilan nafaqat oʻzbek adabiyotining, balki butun turkiy va, taʼbir joiz boʻlsa, butun jahonning adabiyot xazinasida oʻchmas iz qoldirdi. Uning turli janrlarda yozilgan «Nido», «Ruhlar isyoni», «Palatkada yozilgan doston», «Oltin devor» kabi asarlari, «Matmusa», «Donishqishloq latifalari» turkumlari adabiyot ixlosmandlari qalbidan mustahkam oʻrin egalladi. Ayniqsa, aruz vaznida ijod qilish chegaralanib qolgan bir davrda yaratgan lirik merosini jamlab tuzgan «Yoshlik devoni» oʻzining badiiyati, mazmuni va originalligi bilan boshqa mumtoz adabiyot namunalaridan qolishmaydi. Uni ilmiy oʻrganish esa shoir ijodiga hurmat belgisi va adabiyotshunoslik ilmidagi dolzarb masalalardan biridir.Ilmiy risola Oliy o‘quv yurtlari Filologiya yo‘nalishi talabalari, o‘rta umumta’lim muassasalari o‘quvchilari hamda Erkin Vohidov ijodi bilan qiziquvchilarga mo‘ljallangan.