КАЛИЙ ХЛОРИД АСОСИДА КАЛИЙ ГИДРОКСИД ОЛИШ ЖАРАЁНИНИ ТАДҚИҚ ҚИЛИШ

Таркибида 0,5% Cl-/KOH бўлган 55% ли калий гидроксид эритмаси хлорид ионларини икки камерали электролизёрда анионалмашинувчи мембраналар орқали ток кучи ва мембраналар морфологиясига боғлиқ бўлган электроэкстракция қилиш жараёни тадқиқ қилинди. Ишқор эритмасидаги хлорид ионларининг электромиграцияси ток зичлиги 400 А/м2 қийматга етганда максимал даражада самарали амалга ошиши аниқланди. Шу нарса аниқландики, тадқиқ қилинган ионалмашинувчи мембраналарнинг хлорид ионларига нисбатан танловчанлиги АМН > МА-41 > МАК-2 > МАЛ-2 > МА-100 > МАЛ-1> МА-40 лар учун камайиб боради. Кучли асосли анионалмашинувчи АМН, МА-41, МАК-2 ва МАЛ-2 мембраналардан фойдаланилганда ишқорни 0,12 қолдиқ миқдор қолгунча тозалаш мумкинлиги, кучсиз асосли МА-100, МАЛ-1 ва МА-40 мембраналардан фойдаланилганда эса ишқорни қолдиқ миқдор 0,33% Cl-/ KOH гача тозалаш мумкинлиги аниқланди.