НОРМАЛ ФИЗИОЛОГИК ВА АЙРИМ ПАТОЛОГИК ҲОЛАТЛАРДАГИ ЭКГ ЎЗГАРИШЛАРИ

Электрокардиогафия – юрак қон томир касалликлари диагностикасида энг кўп тарқалган ва кардиологик диагностиканинг ажралмас усулларидан ҳисобланади. Бу услуб шу вақтга қадар ўз аҳамиятини йўқотмаган, аксинча, яна ҳам мукаммаллашган. Электрокардиогафия йилдан – йилга такомиллашиб бормоқда. ЭКГ оддийлиги, ҳафсизлиги, кўп марта такрорлаш мумкинлиги ва юқори даражада информативлиги билан, шифокорлар учун, айниқса аритмияларда, миокард инфаркти диагностикасида ва бошқа касалликларда асосий қурол ҳисобланади. Электрокардиографик ўзгаришлар носпецифик, яъни турли хил патологияга мансуб бўлиши мумкин. Бундан ташқари ЭКГ да соғлом инсонларда патологик ўзгаришлар бўлиши, ёхуд патологик ўзгарган юракда бироз ўзгарган ёки нормал ЭКГ кузатилиши мумкин. Шунинг учун ҳам, бу усул юқори информатив бўлишига қарамай юрак қон томир касалликларни ташхислашда албатта клиника ҳамда динамикани инобатга олиб солиштириш жуда муҳим. Тавсия этилаётган ушбу қўлланма электрокардиографиядан қисқа клиник маърузулардан иборат. Маъруза материаллари клиник электрокардиографиянинг деярли ҳамма қисмини ўз ичига олган.