СЎЗЛАРНИНГ МЕТАФОРИК МАЪНОЛАРИНИ ИЗОҲЛИ ЛУҒАТЛАРДА

Дунё тилшунослиги, жумладан, амалий луғатшунослик тилда миллий-маданий ҳодисаларнинг ифодаланишига ҳамиша эътибор қаратиб келган. Шу боисдан тилшуносликда тилни миллий-маданий ҳодисалар дискурсида тадқиқ қилувчи лингвомаданиятшунослик юзага келди. Тил бирликларини лингвомаданий жиҳатдан тадқиқ қилиш замонавий тилшунослик фанининг асосий йўналишларидан бири бўлиб қолди. ХХI аср тилшунослиги олдида тилдан амалий фойдаланиш самарадорлигини таъминлаш, тилнинг тафаккур, маънавият ва жамият ривожидаги ролини ошириш масаласи турибди. Тафаккур ва маънавият эса бевосита миллий тил, тилнинг яратувчилик кучи асосида амалга оширилади.Тилдаги барча лексик бирликлар қаторида метафорик бирликлар ҳам замон талаб эҳтиёжларидан келиб чиққан ҳолда янгиланиб бориши зарур. Таҳлил қилинган луғатлар янги пайдо бўлаётган неологик метафораларни тўлиғича қамраб олмаганини кўрсатди.