Elektrotexnologik qurilmalar

Ushbu uslubiy qo‘llanmada pechsozlikda qo‘llaniladigan materiallar, elektrotermik va elektr texnologik qurilmalar, davriy va uzluksiz ishlovchi pechlar, induksion pechlar va elektr yoy pechlari, elektr payvandlash qurilmalari va turlari, materiallarga elektrokimyoviy va elektrofizikaviy ishlov berish, lazerli texnologik qurilmalarning asosiy parametlarini hisob-kitob qilish orqali aniqlash metodlari haqida ma’lumotlar hamda amaliy mashg‘ulotlar keltirilgan. Insoniyatning ishlab chiqarish faoliyati va uy ro‘zg‘or ehtiyojlari elektr texnologik qurilmalar bilan tobora to‘yinib bormoqda. Bunday to‘yinish faqatgina mazkur qurilmalarga bo‘lgan ehtiyojning o‘sishi bilangina asoslanib qolmasdan, balki uglevodorodli yoqilg‘I tan narxining ma‘lum darajada oshishi, tashqi muhitni muhofaza qilish bo‘yicha aniq choralar belgilash zaruriyati, chiqindisiz texnologiyalar yaratish kabilar bilan ham bog‘likdir. Elektr texnologik jarayonlarni rivojlantirish mamlakatimizning rivojlanib borayotgan energetik tizimini, yangi elektr stansiyalari va yuqori quvvatli elektr tarmoqlarini qurish orqali amalga oshiriladi.