Namangan zaminidan yetishib chiqqan ma’rifatparvarlar

Namangan – yerlari unumdor, suv resurslariga boy, katta miqdorda tabiiy boyliklarga ega hududdir. Shu tufayli bu hududga qadim davrlardanoq odamlar o‘rnashib, hunarmandchilik, dehqonchilik va chorvachilik bilan shug‘ullanib, hayot kechirib keladi. Arxeologik tadqiqotlar natijasida Namangan zaminidan qadimgi davrlarga oid ko‘plab moddiy manbalar aniqlangan. Xususan, o‘lkada Axsikent, Koson, Chust, Pop shaharlarida o‘tkazilgan tadqiqot ishlari davomida o‘rganilgan, jamlangan manbalar buning yorqin dalili bo‘lib, mazkur dalillar bu joylar ko‘hna madaniyat o‘choqlari bo‘lganligiga, Namangan diyori O‘zbekistonning qadimiy madaniyat maskanlaridan biri ekanligiga guvohlik beradi.