Kredit-modul Tizimida Zamonaviy Baholash Texnologiyalari

Bugungi kunda ta’lim yo‘nalishlarida fanlarni qayta ko‘rib chiqish, mutaxassislikka aloqasi bo‘lamagan fanlar soni ikki barobar qisqartirish, oliy ta’lim muassasalarini o‘zini o‘zi moliyaviy ta’minlashga o‘tkazish, ta’lim sohasini to‘liq raqamlashtirish kabi e’tiborga molik masalalar dolzarb ekanligi ta’kidlab kelinmoqda. Zamonaviy talablar va jahon standartlariga javob beradigan milliy ta’lim tizimini yaratish borasida talabalarning bilim darajasini oshirish va ilmiy salohiyatini mustahkamlash hamda millatimizning raqobatbardoshligini ko‘rsatuvchi omillar ham o‘z aksini topmoqda.Ta’lim masalasi jahonning ko‘plab mamlakatlarida muhim vazifalar qatorida o‘rin olgan bo‘lib, oliy ta’lim sifatini yaxshilash XXI asrning asosiy muammolaridan biridir. Globallashuv sharoitida ta’lim va fan tizimini isloh qilish ko‘plab muammolarning yechimini belgilovchi omil hisoblanadi va global raqobat sharoitidagi yangi talablariga javob byeruvchi, moslashuvchan imkoniyatlarni oshirishga qaratilgan tub islohotlar amalga oshirilmoqda.