Iqtisodiy oʻsish modellari

So‘nggi yillarda jahon mamlakatlari orasida globallashuv kuchayishi natijasida ko‘pgina davlatlar iqtisodiy pasayishga yoki tashqi qarzlarning YaIMga nisbatan bir necha barobar ko‘payib ketishi muammosiga duch kelmoqdalar. Shu bois tarmoqda keng ko‘lamli o‘zgarishlarni jadallashtirish va uni izchil davom ettirish masalasi mamlakatlar iqtisodiy o‘sish darajasini yuksaltirish chora-tadbirlarini amalga oshirishni jiddiy vazifa qilib qo‘ymoqda. Jahon iqtisodiy taraqqiyot tarixini o‘rganib, undan xulosa qilgan holda ish tutish har qanday mamlakat uchun eng muqobil va eng to‘g‘ri yo‘l hisoblanadi. Iqtisodiy o‘sishning barqarorligiga tarmoqda investitsion faollikni oshirish, xalqaro savdo va erkin bozor munosabatlariga o‘tish, ishchi kuchining o‘sishi va bu ishchi kuchining samaradorligini oshirish, katta kompaniyalar ustidan davlat nazoratini olib borish orqali erishish mumkin.