OʻSMIRLIK DAVRIDA DEVIANT XULQ-ATVOR SHAKLLANISHIDA OILANING OʻRNI

Hozirgi davrda oʻsmirlikka xos deviant xulqining shakllanishida oilaning ta’sirini oʻrganishga e’tibor ortgan. Zamonaviy psixologiya fanlarida ushbu muammoga bagʻishlangan tadqiqotlarning oʻrni salmoqlidir. Ammo, tarbiyasi «qiyin» oʻsmirlarning shakllanishida oilaviy muhitning qay darajada oʻrin egallashi va oiladagi muhitning ta’sirini oʻrganish dolzarbligicha qolmoqda. Xulq-atvorida buzilishlari boʻlgan oʻsmirlarning psixik rivojlanishida oʻzgarishlar roʻy beradi, ularning kognitiv, hissiy- emotsional sohasida ham muammolar yuzaga keladi. Shu bois o`smirlik davrida xulq-atvorda buzilishni keltirib chiqaruvchi sabablarni tadqiq qilish, oilaning farzand tarbiyasidagi oʻrnini oʻrganish alohida yondashuvni talab etadi. Mazkur ishda o`smirlik davrida nomoyon bo`luvchi deviant xulq-atvorga oila mihitining ta'siri masalalari ko'rib chiqilgan.