BOSHLANG‘ICH SINFLARDA MATEMATIK SAVODXONLIK VA XALQARO TAJRIBA

Mazkur monografiya boshlang‘ich sinf matematika darslarini xorijiy tajribalar asosida tashkil etish bo‘yicha ilmiy-uslubiy asoslarni o‘rganish va amaliy tavsiyalar ishlab chiqishga xizmat qiladi. Unda turli mamlakatlarning ilg‘or ta’lim metodikalari tahlil qilinib, ularning boshlang‘ich ta’lim tizimidagi samaradorligi baholangan. Shu bilan birga, xorijiy tajribalarning milliy ta’lim tizimiga integratsiya qilinish imkoniyatlari, ularning ustunlik va cheklovlari har tomonlama yoritib berilgan. Monografiyada boshlang‘ich sinf matematika darslarini innovatsion yondashuvlar asosida olib borish, zamonaviy pedagogik texnologiyalar va interfaol metodlardan samarali foydalanish yo‘llari ko‘rib chiqiladi. Xususan, STEAM-ta’lim tamoyillari, kompetensiyaviy yondashuv hamda differensial ta’lim metodlari bo‘yicha amaliy tavsiyalar berilgan. Shuningdek, xalqaro baholash dasturlari (PISA, TIMSS, PIRLS) doirasida boshlang‘ich sinf o‘quvchilarining matematik savodxonligini rivojlantirish bo‘yicha ilg‘or yondashuvlar o‘rganilgan.