UMUMIY O‘RTA TAʼLIM MAKTABLARIDA ODIL YOQUBOV IJODINI O‘QITISH

Fan va texnika taraqqiyotining zamonaviy darajasi va inson ruhiyatining hozirgi holati o‘qitish kechimining o‘zgacha falsafiy yo‘nalish asosida tashkil etilishini taqozo etdi. Ilmu fanning tezkor taraqqiyoti oldinlari xayolga ham kelmagan bir qator muammolarni paydo qildi. Chunonchi, o‘quvchilarga qaysi fan asoslarini, qancha miqdorda, qachon va qay tartibda o‘rgatish kerakligi masalasini hal etish mushkul bo‘lib qoldi. Ushbu risolada adabiyot fanini maktablarda o‘qitilishining bugungi kundagi holati hamda adabiy ta’limda Odil Yoqubovning “Ulug‘bek xazinasi” romanini o‘rgatish metodikasi haqida bayon qilingan. Umumta’lim tizimida adabiyot o‘qitishning ahvoli muammo va yechimlar tahlilga tortilgan.