ISSIQLIK MATERIALLARNI KENGAYISHIDA ENERGIYA SARFINI KAMAYTIRISH

Bugungi kunda dunyo aholisining energiyaga bo‘lgan extiyoji kundan sayin ortib bormoqda. Buning asosiy sababi dunyo axolisining keskin ravishda ortib borishidir. Shu jumladan O‘zbekistonda xam energiyaga bo‘lgan extiyoj ortmoqda. Yurtimizda bugungi kunda energiya extiyojini to‘la qondirish maqsadida, ekologik toza energiya manbalaridan foydalanish dasturlari ishlab chiqilgan. Tuganmas yoki qayta tiklanadigan tabiiy resurslardan energiya olish imkoniyatiga ega bo‘lgan qurilmalar an’anaviy xom ashyolarga qaramlikni bartaraf etadi. Qayta tiklanuvchi energiya manbalariga butunlay o‘tish kelajakdagi energiya tanqisligi muammosini bartaraf etish imkonini beradi.Shu bilan birga yoqilg‘i yoqishning salbiy ekologik ta’sirini ham unutmaslik kerak. Atmosferada yig‘iladigan zaharli gazlar miqdorining ortib borishi issiqxona effektini keltirib chiqarishi, butun sayyora bo‘ylab haroratning ortishiga sabab bo‘lishini ham yoddan chiqarmaslik lozim.