O'zbekistonning mustaqillikka erishishi va buyuk kelajak sari yo'l

Har bir xalq, har bir millat o‘z mustaqilligini, erkinligini eng ulug‘ ne’mat deb biladi. Zero, mustaqillik – bu shunchaki davlatning siyosiy-huquqiy maqomi emas, balki millatning o‘z taqdirini o‘zi belgilash huquqiga ega bo‘lishi, kelajagini o‘zi yaratishi, orzu-umidlarini ro‘yobga chiqarishi uchun berilgan buyuk imkoniyatdir. O‘zbekiston xalqining asriy orzusi – ozod va mustaqil davlatga ega bo‘lish istagi 1991-yil 31-avgust kuni ro‘yobga chiqdi. Ana shu tarixiy sanada O‘zbekiston Respublikasi o‘zining mustaqilligini e’lon qildi va millat ravnaqining yangi sahifasi ochildi. Bu kun – xalqimizning fidoyiligi, matonati, mardligi va irodasining yorqin ifodasi bo‘lib, o‘zbek millatining asriy orzulari, g‘ururi va sharafining tantanasidir. Mustaqillik bizga o‘z yo‘limizni belgilash, o‘z qadriyatlarimizni asrab-avaylash va rivojlantirish, milliy manfaatlarimizni ilgari surish imkoniyatini berdi. Bu yillar davomida mamlakatimiz iqtisodiy, siyosiy, madaniy, ma’naviy va ijtimoiy sohalarda yuksak marralarni zabt etdi. Bugungi kunda O'zbekiston dunyoning bir qator rivojlanayotgan mamlakatlari qatoriga qo'shilib bormoqda.