ИНГЛИЗ ТИЛИДА ҲАРАКАТНИ ИФОДАЛОВЧИ ФЕЪЛЛАРНИНГ ПРАГМАТИКАСИ

Мазкур монографияда инглиз тилидаги фаол ҳаракатни англатувчи феъллар синонимик қаторининг функционал-семантик таҳлилини амалга ошириш кўзда тутилади. Ўзбекистон Республикасида олиб борилаётган тил сиёсати тилшунослик фани тараққиётининг назарий асосини белгилаб беради. Мамлакатимизда расмий давлат тили бўлмиш ўзбек тили, миллатлараро муомала тили бўлмиш инглиз ва рус тиллари, Европа тиллари ҳамда Осиё тилларини ўрганишга кенг имкониятлар яратиб берилганки, бу жараён учун назарий асос яратиш, тилшунослик тараққиётини янги босқичга олиб чиқиш катта аҳамият касб этади. Тадқиқотчи тилнинг мазмун планига алоқадор изланишларда тил луғат таркибининг турли қатламлари чуқур тадқиқ этилган бўлсада инглиз тилидаги фаол ҳаракатни англатувчи феълларнинг прагматикаси, яъни семантик ва семасиологик хусусиятлари, улардаги каузация ҳолатлари ҳозиргача ўрганилмаганлиги ва бу эса ўз навбатида тил фактларининг кўп томонларини тўлалигича тушунишга тўсиқ бўлаётганлиги очиб берган. Монография соҳа мутахассислари, филология факультети талабаларига мўлжалланган.