KOMMERSİYA YÜKLƏRİNİN AEROPORT DAXİLİNDƏ DAŞINMASININ

Müasir hava gəmilərinin texniki təchizatı göyərtədə təxminən istənilən növ yükü daşımağa imkan verir. Yüklərin daşınması və təyyarələrdə həmin yüklərin düzgün formada yerləşdirilməsi bugün üçün ən aktual məsələlərdən biridir. Dünyanın istənilən dövlətində yükləmə planlanması ən öndə duran problemlər sırasındadır. Sərnişin təyyarələri ilə çox seqmentli uçuş üçün əmtəə yükünün planlaşdırılmasının əsas məqsədi ağırlıq və tarazlıq məhdudiyyətlərini, təyyarə quruluşunun məhdudlaşdırılmasını və uçuş təhlükəsizliyini təmin edərkən istismar səmərəliliyinin artırılmasıdır. Son yük planlaması, əsasən, təyyarənin yola düşməsindən 30 dəqiqə əvvəl aparılır. Yüklərin yüklənməsinə anbardar nəzarət edir.Yüklərin təyyarələrə yerləşdirilməsi üçün insan faktoru mühüm əhəmiyyət daşıyır. Bu da böyük zaman itkisinə səbəb olur. Prosesin avtomatik icra olunmaması çoxlu sayda hesab işlərinin aparılması ilə yekunlaşır. Belə hallarda, çox zaman səhvlərin olması da qaçılmaz faktdır.