Риёзиёт илмларини асл манбалар орқали ўрганиш

Ушбу ўқув-услубий қўлланма ўқув дастурларини тарихий ва замонавий мезонлар асосида такомиллаштириш йўлида бир тажриба ҳисобланади. Қўлланма академик лицейларнинг аниқ фанлар йўналиши ўқув режасидаги ўқув дастурлари бўйича ноанъанавий шаклда тайёрланиб, шу соҳада илк маротаба қўлланилмоқда. Унда Шарқ, хусусан Марказий Осиё билим масканларида ўқитилган риёзиёт илми негизлари, нисбат ва миқдор бирликлари баён қилинади. Мазкур қўлланма қадимий манбаларга асосланган бўлиб, у академик лицейлар ўқув амалиётига мўлжалланган.