Инглиз ва Ўзбек Адабиётида Мифологик Образлар

Жаҳон қиёсий адабиётшунослигида турли халқлар адабиётининг қадимдан мифология билан чамбарчас боғлиқликда ривожланаётгани, афсона-асотирлар генезиси, мифологик ва лисоний тафаккурнинг бадиият ҳосил қилишда идеографик жиҳатларни келтириб чиқариши масалаларига қизиқиш янада кучайди. Шу маънода турли лингвомаданий контекстда юзага келган оғзаки ва ёзма ижод намуналарида тизим сифатида шаклланган афсонавий образларнинг мифологизация ҳодисасига дуч келиши натижасида юзага келган мифологизмларни, уларни воқелантирган омилларни, инсон онгидаги тасвирини, бадиий-эстетик функционаллигини аниқлаш мифологик образ ва мифологизмларнинг нафақат жаҳон, балки инглиз ва ўзбек адабиётшунослигида ҳам бадиий талқинини, уларнинг жаҳон халқлари сўз маданиятига, поэтик тафаккур тарзи ривожига таъсир ўтказиш қонуниятлари ва тамойилларини илмий асослаш имконини беради.