Biologiyadan Izohli Lug'at

Hozirgi kunning dolzarb masalasi ta’limning kimyo va biologiya sohasini rivojlantirish, yangi darsliklar, o’quv qo’llanmalar, lug’atlar yaratishdan iborat. Bugungi kunda O’zbekiston Prezidentining 2020-yil 12-avgustdagi “Kimyo va biologiya yo’nalishlarida uzluksiz ta’lim sifatini va ilmfan natijadorligini oshirish chora-tadbirlari” to’g’risidagi qarori olimlar, o’qituvchilar va talabalar zimmasiga katta mas’uliyatni yukladi. Shulardan kelib chiqib, tayyorlangan “Inglizcha, ruscha va o’zbekcha izohli lug’at” ahamiyati katta. Ushbu lug’atda 3000 ta asosiy biologik atamalar ma’nosi o’rganilgan va izohlari ochib berilgan.Taqdim etilayotgan lug’at tarkibida biologik tushunchalarga tayaniladi va o’z miqdorda genetika, biokimyo, molekulyar biologiya, biotexnologiya va biologiyaning klassik tarmoqlari sanalgan botanika, zoologiyaga taaluqli so’zlar va atamalar mazmuni ochib beriladi.