Динамик кучлар таъсирида

Муҳитнинг қовушқоқлик хусусиятларини ҳамда эркин сиртдан қайтган тўлқинларни ҳисобга олган ҳолда нотурғун юкланиш таъсирида бўлган цилиндирсимон ва кўндаланг кесими тўғри тўртбурчак шаклидаги тоннелларнинг кучланганлик-деформацияланганлик ҳолатини баҳолаш услублари тўла ўрганилмаганлиги, шунингдек, қовушқоқ-эластик ярим фазода жойлашган ер ости иншоотларида ҳосил бўладиган тўлқин дифракцияси хусусиятларини тадқиқ этиш услублари этарли даражада тадқиқ этилмаганлиги танланган мавзунинг долзарлигини кўрсатмоқда. Мазкур монографияда динамик юкланиш таъсирида бўлган қовушқоқ-эластик ярим текисликларда жойлашган кўп қатламли айланасимон ва тўғри тўртбурчак кесим юзали тоннелларнинг кучланганлик-деформацияланганлик ҳолатини баҳолашга қаратилган ҳисоблаш усулини ва дастурини ишлаб чиқиш, аналитик ва сонли ҳисоблаш усулларини такомиллаштириш масалалари ўрганилган.