YURIST NUTQI АMАLIYOTI

Zamonaviy yuristlar so`zga chechan, badiiy didli, o`z fikrini og`zaki va yozma ravishda yuqori darajada ifodalay oladigan bo`lishi zarur. Bo`lg`usi yurist kadrlar, asosan, rasmiy doirada faoliyat ko`rsatadilar va davlat nomidan ish olib boradilar. Shu bois ularning kelgusi faoliyatini rasmiy hujjatlarsiz, muomala madaniyatisiz tasavvur qilib bo`lmaydi. Shu nuqtayi nazardan qaraganda, “Yuristning nutq madaniyati” darsligining yaratilishi maqsadga muvofiqdir. Mazkur o`quv qo`llanma yuridik oliy o`quv yurtlari tаlаbаlаri uchun mo`ljаllаngаn bo`lib, o`quv-uslubiy vа mа’lumоtnоmа mаtеriаllаrini o`z ichiga oladi. Bu esa tаlаbаlаrning аmаliy mаshg`ulоt dаrslаrigа mustаqil tаyyorgаrlik ko`rishini hаmdа o`zining bilim sifаtini nаzоrаt qilishni ham tа’minlаydi.Yana shuni alohida ta’kidlash o`rinliki, oliy ta’lim tarixida nimani o`qitish va qanday o`qitish kerak degan masalalar asosiy muammolardan biri bo`lib kelgan va shunday bo`lib qolmoqda. Ta’lim samaradorligi ana shu ikki masalaning o`z yechimini to`g`ri hal qilish bilan belgilanadi.