Sharqiy Turkiston rus tadqiqotlarida

XIX asr Turkistonga bosqinchi Rossiya imperiyasining mustamlakachilik yurishlari va uning oqibatlari o'lka xalqlari tarixidagi eng qora sahifalardan biri bo'lib muhrlandi. Shimoldan rus bosqini sharqdan Sin sulolasining siquvi natijasida Turkistonning sharqiy qismi o'zakdan ajralib Sharqiy Turkiston deb atala boshlandi. Ushbu risolada Sharqiy Turkistonning o‘ziga xos o‘rganilish tarixi, unda sayyoh, savdogar va tadqiqotchi sifatida rus josuslarining ilmiy izlanishlari asosida geografik tavsifi, ma’muriy tuzilishi, iqtisodiy va savdo munosabatlari, aholisining shakllanish kabi kam o‘rganilgan materiallar XIX asr ikkinchi yarmiga xos holda aniq fakt va materiallar asosida bayon qilinadi.