Adabiyot tarixiga doir oʻquv adabiyotlarda talqin va tahlil muammolari

Istiqlol bizga adabiyotimiz, unda yetishib chiqqan ijodkorlar hayoti va ijodiga milliylik nuqtai nazari bilan yondashishni shart qilib qoʻydi. Avvalo, oʻquv adabiyotlar, ularda keltirilgan talqinlar masalasidir. Istiqlol yillarida nashr etilgan darsliklarda ham ittifoq davrida nashr etilgan darsliklarda keltirilgan ayrim notoʻgʻri yondashuv, yuzaki talqinlarning kuzatilishi oʻquv adabiyotlarda keltirilgan talqinlar yuzasidan yangi tadqiqot ishlarini olib borish zaruriyatini yuzaga keltirdi. Ushbu toʻplam mana shu zaruriyatdan kelib chiqib tayyorlandi.