Shifonemalarning lisoniy manzarasi: fransuz va o'zbek tillari qiyosida

Jahon tilshunosligida tillararo munosabatlar, ularning bir-biriga taʼsirini kompleks holda tadqiq etish bir necha asrlardan buyon eng dolzarb tadqiqotlar sirasiga kiradi. Barcha tillar qatori fransuz va o‘zbek tillarida ham turli xil o‘simlik nomlari shakllangan bo‘lib, ular asrlar davomida shu millat xalqlarining og‘zaki va yozma adabiyotida muhim o‘rin egallab kelmoqda. Ularda har ikkala xalqning tarixiy kechmishi, o‘ziga xos anʼanalari, urf-odatlari, xarakter-xususiyati, eʼtiqodiy va axloqiy qarashlari o‘z ifodasini topgani ko‘zga tashlanadi. Аyniqsa, terminlarning tillararo chog‘ishtirib o‘rganilishi, ularning derivatsion jihatlari tahlili kabi masalalar yuzasidagi tadqiqotlar alohida ahamiyat kasb etadi.