Бошланғич синф ўқувчилари дивергент тафаккурини ривожлантириш

Муаллиф мазкур монография мавзусининг долзарблигини бошланғич синф ўқувчилари дивергент тафаккурини ривожлантириш имкониятлари асосида асослаб беришга ҳаракат қилган. Жумладан, бошланғич синф ўқувчилари дивергент тафаккурини ривожлантириш имкониятлари уларни мактаб таълими жараёнида психологик қўллаб қувватлаш зарурати билан боғлиқ. Ҳозирги умумий ўрта таълимнинг инновацион амалиётида таълим самарадорлигини оширишда мумкин бўлган захиралардан бири-таълим жараёни мазмунига ривожлантирувчи махсус топшириқларни киритишдан иборатдир. Шу сабабли ҳозирги замонда бошланғич синф ўқитувчиси нафақат мустаҳкам, чуқур билимга эга бўлиши, балки таълим жараёнида юзага келадиган муаммоларни ғайритабиий, мустақил равишда ижодий ҳал қила оладиган ва ўқувчиларнинг дивергент тафаккурини ривожлантирадиган бўлиши керак.