MAXSUS INTEGRAL TENGSIZLIKLAR VA ULARNING TADBIQLARI

Ushbu monografiyada nazariy va amaliy jihatdan muhim ahamiyatga ega bo‘lgan fizika, mexanika, texnika va boshqa sohalar masalalari integral tenglamalar usuli bilan yechiladi. Ayniqsa, matematik fizikada tekshiriladigan masalalani yechishda integral tenglamalarning ahamiyati kattadir. Bu monografiya muallifning Mirzo Ulug‘bek nomidagi O‘zbekiston Milliy universitetining mexanika-matematika fakultetida o'qigan ma’ruzalarining kengaytirilgan bayonidan iboratdir. Monagrafiyada integral tenglamalarning klassik nazariyasi bir o‘lchovli Fredgolm tenglamalari uchun uzluksiz funksiyalar sinfida bayon qilingan. So'ngra, bu nazariya ko‘p o'lchovli integral tenglamalar, integral tenglamalar sistemasi va kvadrati bilan jamlanuvchi yadroli tenglamalar uchun ham o'rinli bo'lishi ko'rsatib o'tilgan. Ko'p tatbiqlar uchun muhim ahamiyat kasb etgan kuchsiz maxsuslikka ega bo'lgan integral tenglamalar ko'p o'lchovli fazoda batafsil tadqiq qilingan.